Kukan: Shqipëria rrezikon integrimin
17/02/2011 19:35
Ja kush është familja nga Hasi që ruan traditën! Grup xhirimi i TCH kalon natën tek familja Mulaj 15/12 17:16
Kryetari i delegacionit për Ballkanin në Parlamentin Evropian, Eduart Kukan ka paralajmëruar Tiranën zyrtare se zgjatja e krizës politike rrezikon integrimin e vendit.
“Shqipëria duhet të gjejë sa më shpejt një zgjidhje. Politikanët shqiptarë të mendojnë më shumë për vendin sesa për interesat personale”, ka deklaruar Kukan.
Ai ka theksuar se debati i zhvilluar në PE tregoi interesin për të ndihmuar Shqipërinë dhe ka nënvizuar se zgjedhjet e 8 majit duhet të plotësojnë standartet.
Duke vlerësuar si shumë të rëndësishëm funksionimin e institucioneve demokratike, Kukan ka kërkuar hetim të pavarur për 21 janarin.
“Të bëhet një hetim i pavarur për ngjarjet e 21 janarit dhe zgjedhje të ndershme e të lira lokale. Gjithashtu, dialogu politik duhet të zhvillohet në mënyrë institucionale dhe jo në rrugë”, ka shtuar Kukan.
Top Channel
