NBA, Miami vazhdon të fitojë
16/02/2011 16:55
Gjysmëfinalet e Europa League/ Leverkusen “gjunjëzon” romakët në “Olimpico”, Atalanta barazon në Francë 02/05 22:55
Miami Heats vazhdojnë të thellojnë diferencën me të gjithë kundërshtarët e tjerë në Konferencën e Lindjes, falë suksesit të arritur në Indianapolis.
Mbrëmjen e fundit, Heats mposhtën me rezultatin 110-103 skuadrën e Indianës, sukses i arritur falë paraqitjes së mrekullueshme të tre yjeve të skuadrës.
Dwyane Wade realizoi 41 pikë, nga të cilat 31 vetëm në dy pjesët e para (një rekord ky), LeBron James shtoi 27 pikë të tjera, ndërsa Chris Bosh realizoi 22 pikë.
Indiana arriti të rezistonte falë një loje të shkëlqyer ekipore deri në fundin e pjesës së tretë, kur ata ende kryesonin 83-82, por diferencat cilësore bënë që rezultati të përcaktohej në favorin e Heats në fundin e takimit.
Në ndeshjet e tjera të rëndësishme të mbrëmjes, Chicago Bulls fituan 106-94 në përballjen me Charlotte Grizzlies, ndërsa Phoenix Suns fituan në një ndeshje dramatike me Utah, me rezultatin 102-101.
Top Channel
