Buffon: Pa dëmtimet luftonim për titull

16/02/2011 00:30

Portieri i kombëtares italiane, Gigi Buffon, përpiqet të fshijë janarin e zi të Juventusit, duke parë me optimizëm pjesën e mbetur të sezonit.

”Nëse nuk do të kishim patur aq shumë dëmtime, Juventusi do të synonte arritjen e objektivave të tjerë dhe jo vetëm vendin e katërt”, deklaroi Buffon në një intervistë për “Corriere dello Sport”.

”Megjithatë, pavarësisht se gjendja jonë në renditje duke e ndërlikuar, të gjithë jemi plotësisht të bindur për mundësinë e arritjes së vendit të katërt. Fitorja me Interin, mendoj se ishte prova më e mirë për të gjithë potencialin tonë si skuadër.

Jam veçanërisht i lumtur për tifozët, të cilët e meritonin një fitore të tillë, pas një periudhe aspak të lumtur për ta”.

Top Channel