Më 14 shkurt të 1998-ës, plot 13 vite më parë, nisi transmetimet Top Albania Radio, e cila nga një banesë në qendër të Tiranës, sot është transformuar në një studio profesionale, e cila udhëheq tregun radiofonik shqiptar.
TAR, nëpërmjet transmetimit dixhital, mbulon të gjithë hapësirën e Shqipërisë, por edhe ato ku gjenden të gjithë shqiptarët e Kosovës, Maqedonisë e Malit të Zi.
Nëpërmjet Digitalb, në satelit, radio është në gjendje të mbulojë edhe të gjithë Europën, së bashku me Amerikën e Veriut.
24 orë të mbushura me programe të shumë gjinive, edicione informative, prodhim dhe promovim të muzikës shqiptare, e cila zë një hapësirë prej afro 40% të play-listës muzikore, e bëjnë TAR-in veçanërisht të preferuar për shqiptarët,
Janë 24 edicionet informative: tre edicione qëndrore dhe të tjera flash, me zhvillimet më të fundit nga vendi dhe bota.
Nga programet e para, si “Një Këngë Për Ty” dhe “Disco Lancio”, të kthyera në legjenda të TAR-it, në transmetim sot janë shtuar edhe shumë programe të tjera, si “Wake Up”, “Live From Tirana”, “Radio Cinema”, “Road Trip”, “Rikoshet”, “Mix to Mix”, “Summer Dance Pro Shqip”, “TAR Weekend” apo “Top Dance”.
Top Channel
