Moratti: Juventus? Shumë të pafat

”A duhet të arkivojmë këtë humbje? Nuk ka asgjë për të arkivuar, pasi është më mirë ta kujtojmë këtë disfatë, edhe për shkak të pjesës së saj pozitive. Në pjesën e dytë, skuadra bëri gjithçka që mundej”, deklaroi numri një i zikaltërve.

”Juventusi u tregua i aftë, na vendosi në vështirësi taktike, por rezultati nuk do të kishte qenë i tillë nëse do të ishin realizuar disa prej rasteve shumë të pastra që krijuam. Mendoj se kjo ishte një mbrëmje veçanërisht e pafat për ne”.

Kampionët e Europës në fuqi do të rikuperojnë ndeshjen e prapambetur të kampionatit me Fiorentinën ditën e mërkurë dhe Moratti shtoi: “Momenti i së vërtetës është në çdo ndeshje.

10-15 ndeshjet e ardhshme do të përcaktojnë sezonin. Është e qartë që ne vazhdojmë të besojmë ende tek të gjithë objektivat që i vendosëm vetes në fillimin e sezonit, midis të cilëve edhe tek titulli kampion”.

Top Channel