Ricky Martin, Çmimi Gay i Vitit
10/02/2011 19:45
Divorci i papritur i Pep Guardiolës, kontrata që i shkaktoi humbjen e madhe 15/01 22:06
Këngëtari i famshëm spanjoll, Ricky Martin, do të marrë çmimim më të rëndësishëm vjetor që jep organizata e homoseksualëve dhe lesbikeve amerikane, pasi pranoi një vit më parë se është gay.
Shoqata e quajtur shkurtimisht GLAAD, nderon me çmimin Vito Russo të gjithë ata homoseksualë që luftojnë publikisht për të drejtat e barabarta.
”Pranimi i homoseksualitetit nga Ricky ishte një lajm inkurajues për shumë homoseksualë dhe transeksualë të rinj me origjinë latine”, shkruhej në deklaratën e GLAAD, publikuar gjatë pasdites.
Martin do të marrë çmimin prestigjioz në një ceremoni që do të zhvillohet në Nju Jork muajin e ardhshëm.
Aktorja fituese e Çmimit Emmy, Kristin Chenoweth, gjithashtu do të nderohet, pasi kritikoi një artikull të “Newsweek”, ku shkruhej se aktorët gay nuk mund të luajnë bindshëm në rolin e njerëzve heteroseksualë.
Top Channel
