Reali, klubi më i pasur në botë
10/02/2011 16:25
Ernest Muçi fantastik, çon Beshiktashin në finale të Kupës së Turqisë 07/05 21:52
Reali i Madridit u rendit në vendin e parë midis 20 klubeve të futbollit më të pasur në botë, për të gjashtin vit radhazi, bëri të ditur sot kompania e auditimeve financiare, Deloitte.
Ndërkohë, në një sport ku investohen gjithmonë e më shumë para, të ardhurat e përbashkëta të 20 klubeve më të pasura kanë kaluar për herë të parë nivelet e katër miliardë eurove.
Rivalët kryesorë të madrilenëve, Barcelona, renditet në vendin e dytë, ndërsa Manchester United është klubi i tretë më i pasur në botë.
Midis skuadrave që bënë hapin më të madh përpara, ishte Manchester City, që nga vendi i 20 i një viti më parë, u ngjit menjëherë në të 11-in.
Të katërt gjigantët e futbollit anglez, Arsenal, Chelsea dhe Liverpool renditeshin midis dhjetë skuadrave më të pasura në botë, së bashku me tre italianet.
Midis 20 klubeve më të pasur shihen vetëm skuadra të pesë kampionateve kryesore europiane, me shtatë skuadra angleze, nga katër italiane dhe gjermane, tre spanjolle si dhe dy franceze.
Lista e 20 klubeve më të pasura për vitin 2010
1. Real Madrid 438,6 mln euro
2. Barcelona 398,1
3. Manchester Utd. 349,8
4. Bayern Munich 323,0
5. Arsenal 274,1
6. Chelsea 255,9
7. Milan 235,8
8. Liverpool 225,3
9. Inter 224,8
10. Juventus 205,0
11. Manchester City 152,8
12. Tottenham 146,3
13. Hamburg 146,2
14. Lyon 146,1
15. Marseille 141,1
16. Schalke 139,8
17. Atletico M. 124,5
18. Roma 122,7
19. Stuttgart 114,8
20. Aston Villa 109,4
Top Channel
