Ian Thorpe i rikthehet notit
02/02/2011 12:25
Sonte mësohet skuadra e parë finaliste e Champions League, PSG kërkon përmbysje, Dortmund pret fitore tjetër 07/05 10:25
Kampioni olimpik Ian Thorpe ka njoftuar rikthimin e tij në garat e notit gjatë një konference shtypi në Sidney (Australi).
Australiani 28-vjeçar hoqi dorë nga sporti në vitin 2006 pas një karriere të shkëlqyer në të cilën ka fituar 9 medalje olimpike (5 ari, 3 argjendi dhe 1 bronzi) dhe 11 tituj botërorë.
Thorpe tha se vendimin e ka marrë në shtatorin e kaluar dhe se është stërvitur në mënyrë të fshehtë. Për të ruajtur sekretin i ka kërkuar edhe miqve të tij që të gënjejnë kur janë pyetur për projektet e kampionit të notit.
Objektivi i Thorpe janë Lojërat Olimpike të vitit 2012 në Londër.
“Do të stërvitem në Abu Dhabi dhe në Londër për garat e 100 dhe 200 metrave. Për garën e 400 metrave nuk mendoj se do të kem kohë të përgatitem”, deklaroi Ian Thorpe.
Top Channel
