Adriano kërkon leje për karnavalet
02/02/2011 20:40
De Rossi: Me El Shaarawy-n më doli mirë, kjo Romë do të ngrinte kokë edhe me Mourinhon 25/04 22:49
Pavarësisht se forma e tij zhgënjyese ka ngjallur revoltat e shumë tifozëve të Romës, Adriano është i vendosur që të rikthehet në Brazil për të marrë pjesë në karnavalet e famshme të Rio de Zhaneiros.
”La Gazzetta dello Sport” lajmëroi sot se “Perandori” do të përfitojë nga fakti që ndodhet aktualisht i dëmtuar, për të kërkuar leje për të udhëtuar deri në vendlindje, me rastin e festës së madhe që zhvillohet në shkurt.
”Do të jem në gatishmërinë e trajnerit vetëm pas një muaji ose një muaji e gjysmë, prandaj shpresoj që të gjej mirëkuprimin e klubit”, deklaroi Adriano, i pyetur prej së përditshmes italiane.
Midis të ftuarve të nderit të Karnavaleve të Rios, këtë herë do të jetë edhe Ronaldinho, i cili duke kaluar tek Flamengo, e ka shndërruar Rion në qytetin e tij të rezidencës.
Top Channel
