Serbi, pranga shefit të sigurimit të APJ-së
31/01/2011 21:30
Dështon takimi i Komisionit të përbashkët Kosovë-Serbi për të pagjeturit në Bruksel
15/01 20:59
Policia serbe ka arrestuar sot ish-shefin e drejtorisë së sigurimit të ushtrisë së Jugosllavisë, Aca Tomic.
Lajmin e bëjnë të ditur mediat serbe, sipas të cilave arrestimi u krye pasi Tomic akuzohet se ka ndihmuar në fshehjen e gjeneralit Ratko Mlladic, i kërkuar për krime lufte.
Sipas burimeve, arrestimi i oficerit, i cili do të merret në pyetje lidhur me vendndodhjen e Mlladic, u bë me urdhër të prokurorit për krimet e luftës, Vladimir Vukcevic.
Aca Tomic ka një karrierë të gjatë në radhët e Armatës Popullore Jugosllave. Në fillim të viteve ’90 ai u vendos në komandën e mbrojtjes së Beogradit në pozitën e zëvendësshefit.
Në vitin 1993 ai kaloi në seksionin e kundërspiunazhit të UJ-së, ndërsa katër vjet më vonë u dërgua në Prishtinë për të drejtuar grupin e kundërspiunazhit.
Emri i tij është lakuar shumë lidhur me disa incidente të rënda të ndodhura në Serbi pas vitit 2000, mes të cilave edhe vrasja e ish-kryeministrit Zoran Gjingjic.
Top Channel
