“Heavy Metal†në ekspozitë
14/01/2011 17:35
Kristi Lamaj dhe Lei Kraja bëhen bashkë në projektin “UrbanGen” 01/04 14:23
Një ekspozitë fotografike me tematikë të veçantë është çelur pranë Galerisë Kombëtare të Arteve.
Në fokus të fotografes së re Marseida Shqarri, janë kryesisht adhuruesit e botës muzikore të “heavy metal”.
“Më pëlqen muzika dhe kam dashur të përcjell me anë të fotove stilin e jetesës të personazheve të kësaj rryme muzikore”, shprehet fotografja Shqarri.
Copëza që dëshmojnë stilin e të menduarit, të veshjes dhe të sjelljes së fansave të kësaj gjinie, janë përcjellë nëpërmjet 20 fotove të ekspozuara. Koncepti i njërës prej tyre: “Shumë shpesh femrat në botën e muzikës metal nuk konsiderohen të barabarta me meshkujt.”
Ekspozita e titulluar “Life”, përpos ciklit të dedikuar muzikës, përmban edhe 6 foto të tjera artistike me temë të lirë.
Kjo ekspozitë do të qëndrojë e hapur deri më datë 16 shkurt.
Top Channel
