Ambasada amerikane në Londër ishte objektivi i një grupi terroristësh të supozuar të arrestuar më parë gjatë muajit, raportoi gjatë darkës së sotme Deparamenti Amerikan i Shtetit.
12 njerëz u ndaluan nga policia në datën 20 dhjetor, në atë që u quajt një operacion i forcave të rendit për të mbrojtur publikun nga rreziqet e terrorit në masë.
Tre persona u lëshuan në ditët në vazhdim për mungesë provash, ndërsa nëntë të tjerët dolën përpara Gjykatës gjatë ditës së sotme, për t’u njohur me akuzat. Zëdhënësi i Departamentit Amerikan të Shtetit, Mark Toner, deklaroi: “Jemi në dijeni të hetimeve të palës britanike dhe mund të konfirmojmë se objektivi i tyre ishte goditja e ambasadës sonë në Angli”.
Të dyshuarit banonin në Londër, në kryeqytetin e Uellsit, Kardif dhe në qytetin e veriut të Anglisë, Stoke. Sipas një deklarate të policisë, synimi i tyre ishte të ndërtonin pajisje shpërthyese, në gjendje për të dëmtuar shumë njerëz apo prona njëkohësisht.
Top Channel
