Johansson e Reynolds firmosin divorcin
24/12/2010 12:00
Ekskluzive/ Rikthehet “Goca dhe Gra” në Top Channel, njihuni me moderatoret e këtij sezoni
14/05 17:08
Aktorët e Hollivudit, Scarlett Johansson dhe Ryan Reynolds kanë firmosur divorcin në Los Anxhelos, për shkak të qendrimeve të tyre të papërputhshme.
Cifti njoftoi ndarjen që më 14 dhjetor. Ata thanë se e kishin nisur marrëdhënien e tyre me dashuri dhe se me dashuri donin ta mbyllnin.
Johanson, e bërë e famshme me filmin “E humbur në përkthim” dhe Reynolds me “Propozimi”, ishin martuar në shtator të vitit 2008.
Ata thanë në deklaratën e 14 dhjetorit se, e kishin marrë vendimin për t’i dhënë fund martesës pas një konsultimi të gjatë dhe të kujdesshëm.
Dy yjet e kinemasë janë shprehur se, ndonëse nuk besojnë tek respektimi i privatësisë së tyre, do ta vlerësonin shumë një gjë të tillë.
Më herët, nga viti 2004 deri në vitin 2006, Reynolds ka qenë i lidhur me këngëtaren e njohur kanadeze Alanis Morissette.
Top Channel
