Kryeministri britanik, Devid Kamerun shprehu vendosmërinë për të çuar deri në fund ligjin që katërfishon taksën e shkollimit, pavarësisht protestave të dhunshme të studentëve në rrugët e Londrës.
Në një intervistë për mediat ditën e premte, Kamerun tha se mbi të gjithë ata persona që protestojnë dhunshme do të bjerë e tërë forca e ligjit. Ai dënoi aktet e ndërmarra ditën e enjte nga studentët, ku pjesë e trazirave ishte edhe sulmi ndaj makinës së princit Karl dhe dukeshës Kamila.
Pasi shprehu shqetësimin e tij për incidentin ndaj princit Karl, Kamerun përjashtoi nga përgjegjësia policinë britanike, sipas tij i gjithë faji i incidentit mbetet tek protestuesit.
“Nuk ishte faji i policisë, ishte faji i atyre që sulmuan atë makinë”, është shprehur Kamerun.
Top Channel
