Apeli i bërë nga ish-futbollisti francez Eric Cantona për qytetarët, që të ndëshkonin bankat duke tërhequr të gjitha paratë e tyre, është dënuar nga ministrat e BE.
Përmes një mesazhi online, Cantona u bëri thirrje qytetarëve evropianë që ditën e martë të boshatisin llogaritë e tyre, “në kuadër të një revolucioni kundër një sistemi bankar kriminal”.
Ish-futbollisti tha se ka mbështetjen e të paktën 38 mijë personave, në Francë dhe vende të tjera të kontinentit të vjetër.
Shefi i ministrave të Financave të eurozonës, Jean Claude Juncker ka deklaruar se ideja është tërësisht e papërgjegjshme.
Cantona, dikur një ikonë e futbollit francez dhe e klubit anglez Manchester United, në një video të postuar online thoshte:
“Tre milionë njerëz në rrugë, të shkojnë në bankë, të tërheqin paratë e tyre dhe bankat do të falimentojnë”.
Top Channel