Champions, Benfica përballet me Schalke

Të martën në grupin A, kampionët e Inter dhe anglezët e Tottenham-it, të kualifikuara tashmë do të vendosin se cila skuadër do të renditet e para në grup.

Italianët do të luajnë në Bremen përballë Verderit, që është jashtë çdo objektivi, ndërsa anglezët do të luajnë në transfertë përballë kampionëve holandezë të Tventes, që tashmë ka arritur kualifikimin në Europa League dhe do ta mbyllë sa më mirë aventurën e saj të parë në Champions.

Në grupin B, ndeshja deçizive do të jetë ajo mes Benfica-s dhe Schalke, në Portugali, ku vendasit, që ndodhen në vendin e tretë me 6 pikë, do të kërkojnë fitoren për të shpresuar në një kualifikim në Europa League. Ndërsa francezët e Lionit do të shfrytëzojnë faktorin fushë përballë izraelitëve të Hapoel, për të siguruar kualifikimin për në fazën tjetër të Champions.

Në grupin C, në “Old Traford” Manchester United dhe Valencia do të vendosin se cila skuadër do të kualfikohet si e para në grup, teksa anglezëve do t’u mjaftonte edhe një barazim ndaj spanjollëve për kryesimin.

Ndërsa në Turqi, Bursaspori do të presë skocezët e Rangers, në një takim pa objektiva, pasi skocezët kanë siguruar kualifikimin në Europa League me 5 pikë.  Në grupin D, spanjollët e Barcelonës, të kualifikuar tashmë si të parët në grup, do të presin në “Camp Nou”, rusët e Rubin Kazan, ekipi i vetëm që i mposhti vjet në fushën e tyre katalanasit. Ndërsa danezët e Kopenhagen, që renditen të dytët me 7 pikë, do të kërkojnë fitoren ndaj grekëve të Panathinaikos për të siguruar kualifikimin historik.

Top Channel