Mourinho: Për mua ndryshojnë rregullat
03/12/2010 16:30
Maratona e Tiranës rikthehet me edicionin e tetë më 20 tetor, çmimet për 4.000 garues 28/09 12:49
Trajneri i Real Madrid, Jose Mourinho, u ankua për ndëshkimin nga UEFA me një ndeshje pezullim në Ligën e Kampioneve për shkak të “kartonave të urdhëruar” në ndeshjen ndaj Ajax.
“Gjyshja ime më thonte gjithmonë ‘Nëse të kanë zili duhet të ndihesh i lumtur’ dhe kjo gjë po më ndodh mua. Gëzohem që nuk më trajtojnë si gjithë të tjerët. Dënimi i UEFA-s ishte historik sepse tregon që nuk trajtohem njësoj”, u shpreh Mourinho.
Më tej, portugezi “thumboi” trajnerin e Barcelonës, duke kujtuar episodin e konfliktit të Guardiola me futbollistin madrilen Cristiano Ronaldo gjatë ndeshjes së të hënës.
“Unë nuk mund të dal nga zona teknike, ndërsa trajnerët e tjerë po; unë nuk mund të flas me arbitrin e katërt, ndërsa të tjerët po; unë nuk mund të kap topin që i përket lojtarit kundërshtar ndërsa të tjerët po”, tha Mourinho.
Top Channel
