Blatter: Europa Lindore dhe Lindja e Mesme prisnin këtë mundësi
02/12/2010 19:40
Trajneri i Zvicrës kërcënon Italinë: Duhet të na e këtë frikën 26/06 14:33
Presidenti i FIFA-s, Joseph Blatter, përgëzoi vendimin e anëtarëve të Komitetit Ekzekutiv të organizmit drejtues të futbollit botëror për zgjedhjen e Rusisë dhe Katarit si organizatore të Botërorëve 2018 dhe 2022 respektivisht.
“Futbolli do të shkojë në toka të reja dhe për këtë falenderoj anëtarët e Komitetit Ekzekutiv. Europa Lindore dhe Lindja e Mesme kishin kohë që e prisnin këtë mundësi”, u shpreh Blatter pas përcaktimit të vendeve fituese.
Zvicerani falenderoi të gjitha kandidaturat “për punën e madhe që kanë bërë”.
“Futbolli ka një vlerë shoqërore dhe edukuese. Bazohet në disiplinë dhe respekt. Është një luftë, por një lojë e pastër. Është një sport që i jep shpresë njerëzimit”, theksoi Blatter.
Top Channel
