Iran, virusi bllokon centrifugat nukleare
29/11/2010 16:20
Bota i dha lamtumirën Papa Françeskut, CNN: Çfarë të presim në ditët në vijim? 26/04 21:13
Disa centrifuga, të angazhuara për pasurimin e uraniumit në impiantet bërthamore të Iranit, janë goditur nga një virus informatik.
Lajmin e ka bërë të ditur vetë presidenti iranian Mahmoud Ahmadinejad, në një konferencë për shtyp ku virusin ia ka atribuar Stuxnet-it.
“Kanë arritur të krijojnë probleme tek një numër i kufizuar i centrifugave tona në impiantin e Natanzit, me programin që kanë instaluar në pjesët elektronike”, ka deklaruar Ahmadinejad.
Ndërkohë, po sot në Iran, një shkencëtar i fizikës bërthamore humbi jetën në një shpërthim, ndërsa një tjetër u plagos në një atentat analog.
Duke reaguar për ngjarjen, presidenti Ahmadinejad ka akuzuar në mënyrë direkte fuqitë perëndimore dhe Izraelin.
Ndërsa dokumentet e publikuara në faqen Wikileaks ai i ka cilësuar si pjesë të një lufte psikologjike të Shteteve të Bashkuara.
Top Channel
