Irak, arrestohen atentatorët e kishës
28/11/2010 14:10
Vëzhgim nga hapësira për stuhitë diellore, sateliti i NASA-s niset për misionin e ri 26/06 11:36
12 militantë janë arrestuar në Irak në lidhje me një sulm vdekjeprurës të kryer pak kohë më parë ndaj një kishe në Bagdad.
Lajmin e ka bërë të ditur ministri i Brendshëm, Jawad Bolani, sipas të cilit arrestimet janë kryer përmes disa operacioneve të realizuara në ditët e fundit.
“Këto operacione kanë qenë të suksesshme dhe përbëjnë një goditje të rëndë ndaj Al Kaedës”, ka deklaruar ministri.
Mbi 50 persona mbetën të vrarë kur militantët e armatosur morrën nën kontroll kishën Zonja e Shpëtimit, më 31 tetor.
Ekstremistët morën peng kishën katolike gjatë meshës së të dielës, duke kërkuar në këmbim të lirimit të saj lirimin e militantëve të Al Kaedës.
Pengmarrja mori fund vetëm kur forcat e sigurisë bastisën kishën pas një orë negociata. Gjatë ndërhyrjes 60 persona mbetën të plagosur.
Top Channel
