Flamurtari mund Dinamon
21/11/2010 17:10
Dortmundi në finale të Championsit, Mbappe ikën “kokulur” nga Parisi 07/05 23:01
Flamurtari ka mundur edhe në fazën e dytë kampionen e Shqipërisë në fuqi, Dinamon, këtë herë në Vlorë me rezultatin 3-1.
Një gol i shpejtë i Bajevskit ia bëri më të lehtë fitoren vlonjatëve të cilët dyfishuan rezultatin me Daniel Xhafën në fundin e pjesës së parë.
Edhe pse janë dinamovitët ata që sulmojnë në pjesën e dytë, goli shënohet nga vendasit, sërish me autor Xhafën.
Supergoli i Bakajt shërben vetëm për statistikë për skuadrën e Dinamos e cila pas humbjes së dytë rradhazi e sheh veten në vendin e 3, 5 pikë larg Flamurtarit kryesues.
Në ndeshjen tjetër të zhvilluar ditën e djelë, Laçi ka mposhtur 1-0 Teutën falë golit të Marashit.
Java e 12 e Superligës do të mbyllet me ndeshjen e të hënës që do të luhet me Kastriotit dhe Shkumbinit.
Top Channel
