FIFA: Shqipëria në ashensor nga miqësoret
19/11/2010 13:15
“Ylli” i Realit: “Topin e Artë” do t’ia jepja Bellignahmit 27/05 19:00
Faqja zyrtare e FIFA-s i ka kushtuar një temë të veçantë ecurisë pozitive të Shqipërisë në vitin 2010. Në faqen zyrtare të Federatës Botërore të Futbollit, theksohet se ngjitja rekord e kuqezinjve në renditjen e përmuajshme të FIFA-s, ka ardhur mbi të gjitha si rezultaPat i paraqitjeve mjaft të mira të përfaqësueses sonë në ndeshjet miqësore.
“Duke e analizuar në tërësi ecurinë në vitin 2010, Shqipëria është ngjitur me 39 pozicione në klasifikimin botëror, nga vendi i 97 në të 58-in: një meritë të kësaj ngjitje e kanë pjesërisht edhe paraqitjet e mira të Kombëtares në ndeshjet miqësore.
Skuadra e Kuzhe ka fituar me Irlandën e Veriut, Malin e Zi, Andorrën e Uzbekistanin, ndërsa miqësorja e së mërkurës me Maqedoninë përfundoi në barazim pa gola. Humbja me Bjellorusinë në Euro 2012 është disfata e vetme në 8 ndeshjet e fundit: një ecuri mbresëlënëse për një prej vendeve më të vogla të futbollit”.
Më tej në vlerësimin për Shqipërinë thuhej: “Kjo skuadër qëndron me meritë e treta në Grupin D, pas Francës e Bjellorusisë. Kuqezinjtë ruajnë shpresat për pjesëmarrjen në një aktivitet madhor, por duhet të ruajnë disiplinën, që së fundmi i ka bërë të vështirë për t’u mposhtur”.
Top Channel
