Spanja kryqëzon Ferrarin
15/11/2010 15:25
Napoli dëshiron Lukakun, por transferimi i belgut varet nga Osimhen 06/05 07:15
“Abu Dhabi prish ëndrrën e Alonsos”; “Ferrari ngatërron pilot, shpall Vettel-in kampion bote”; “Vettel është kampioni”. Janë këto titujt e parë të gazetave spanjolle të cilat kritikojnë strategjinë e Ferrarit për humbjen e Alonsos në Abu Dhabi.
Sportivja madrilene “Marca” shkruan se ndodhi ajo që kishte më pak shanse të ndodhte: “Ferrari gaboi strategjinë dhe i dhuroi Vettelit titullin kampion bote”.
Sipas kësaj gazette, “gabimin e Ferrarit nuk duhet ta paguajë piloti spanjoll, por drejtuesit e kësaj skuderie”.
Në faqen e saj ajo ka publikuar dhe deklaratat e ministrit italian Roberto Calderoli, i cili i ka kërkuar kryesministrit Berluskoni shkarkimin e menjëherëshëm të Montezemolos për këtë fjasko të Ferrarit në garën e fundit të sezonit.
E përditshmja tjetër, “El Mundo Deportivo” e ka cilësuar ankth Çmimin e Madh të Abu Dhabit për Alonson.
“Pas 69 gara, – shkruan gazeta katalanase, – Vettel shpallet Kaiser i ri i F1. Ferrari zbret nga froni Alonson, i cili e kishte një dorë te trofeu”.
I gjithë stafi i Ferrarit pranon gabimin e bërë në pistën e Yas Marina, por i vetmi që nuk tregohet diplomatik në deklarata është braziliani Felipe Massa.
“Kemi ndaluar në momentin e gabuar, duhet të bënim pit stopin më vonë”, ka pohuar Massa.
“Strategjia e drejtuesve tanë ishte totalisht e gabuar”, ka përfunduar braziliani.
Top Channel
