Krasniqi: Kujdes me akuzat në fushatë

Kështu deklaroi të premten presidenti në detyrë Jakup Krasniqi, pas një takimi me subjektet politike të cilat do të garojnë në zgjedhjet e jashtëzakonshme paralamentare të këtij viti.
 
“Ne e kuptojmë që ka ashpërsi të gjuhës dhe ashpërsia e gjuhës duhet të jetë mbi bazën e fakteve. Gjithçka që e kalon bazën e fakteve është gjuhë e papranueshme. Mendoj që është një gjuhë që qytetarët e Kosovës do të duhej ta ndëshkojnë më votën e tyre më 12 dhjetor 2010”, tha Krasniqi.
 
Në takimin me subjektet politike u diskutua teksti i “Kodit të Mirësjelljes” me rastin e zgjedhjeve. Por, për shkak të disa mospërputhjeve në tekst, e që sipas Krasniqit më shumë janë gjuhësore, sesa përmbajtësore, nënshkrimi i tij do të bëhet në fillim të javës që vjen.
 
“Kodi i Mirësjelljes” nuk parasheh ndëshkime për ata që nuk veprojnë në bazë të tij, për një proçes të rregullt zgjedhor. Por, ndëshkimi i shkelësve të normave ligjore zgjedhore, është i paraparë përmes ligjit për zgjedhje në Kosovë.

Top Channel