Peshëngritja kërcënon sërish me protesta
11/11/2010 13:00
Video virale në rrjet, Hysaj ul kokën të mos goditet nga topi te goli i barazimit të Italisë 16/06 12:29
Vazhdojnë problemet në peshëngritjen shqiptare. Edhe pse bëhet fjalë për sportin më produktiv dhe më të suksesshëm në vendin tonë, i cili ka ngritur lart flamurin e Shqipërisë në aktivitetet më të rëndësishme kontinentale dhe botërore, çështja financiare mbetet tema e ditës.
Pas protestave në muajin shtator dhe kërcënimit se shtangistët e përfaqësueses shqiptare do të bojkotonin Kampionatin Botëror në Antalia (që u zhvillua më 17 shtator 2010), situata vazhdon të jetë e mjerueshme.
Në atë periudhë, pas takimeve në Kryeministri dhe Ministrinë e Sporteve, problemi dukej se u zgjidh, ndërsa me vendim të Këshillit të Ministrave u rrit dieta ushqimore për sportistët elitarë. Por, trajneri i Kombëtares, Hektor Shaqiri, ka theksuar se situata nuk ka ndryshuar.
Përkundrazi: ajo vazhdon të mbetet e njëjtë, duke nisur nga rrogat e padhëna. Shaqiri bëri të ditur se peshëngritësit kanë pesë muaj pa u paguar, ndërsa paralajmëroi se protestat mund të përshkallëzohen. Ai deklaroi: “Situata vazhdon të jetë e pazgjidhur me gjithë përpjekjet tona të mëdha. Deri tani na kanë shlyer vetëm rrogat e një muaji, ndërsa na ngelen edhe pesë muaj pa u paguar. Ne nuk kemi ndërmend të tërhiqemi deri në realizimin e të gjitha kërkesave, për të cilat kemi protestuar kohët e fundit edhe para KOKSH-it. Së shpejti kemi një takim me ministrin e Turizmit, Kulturës, Rinisë dhe Sporteve, Ferdinand Xhaferi. Në rast të mosplotësimit të kushteve tona, do ta përshkallëzojmë protestën”. Përveç rrogave, disa pretendime të tjera ishin pensionet e shtangistëve dhe sigurimi i një vendi pune në gardë ose polici, ashtu siç ndodh në të gjitha vendet e tjera.
Top Channel
