Krasiç, 2 ndeshje skualifikim
26/10/2010 15:15
Lojtari i Juventus, Milos Krasiç është skualifikuar për dy ndeshje me anë të provës Televizive.
Serbi, i cili do të mungojë ndaj Cesena dhe Milan, ka paguar simulimin në zonë që bëri në ndeshjen kundër Bologna-s, të dielën e kaluar.
Rrëzimi në zonë, “mashtroi” arbitrin De Marco i cili akordoi penallti për bardhezinjtë.
11-metërshi i goditur nga Iaquinta u prit më pas nga Viviano dhe ndeshja përfundoi në barazim 0-0.
Gjykatësi sportiv e ka konsideruar simulimin e Krasiç si gjest antisportiv dhe e ka dënuar me minimumin e mundshëm: dy ndeshje pezullim.
Juventus ka vendosur të apelojë vendimin duke u mbrojtur se në hedhjen në zonë të Krasiç nuk kishte paramendim, por ishte diçka instiktive.
Top Channel