Ekspertët paralajmërojnë se Gjirokastra po rrezikon të humbasë statusin e mbrojtjes nga UNESCO, për shkak të betonizimit masiv dhe zhvillimeve të pakontrolluara urbane.
“Gjithmonë e më shumë qyteti po betonizohet. Catite tradicionale po zevendesohen me cati te kuqe ose metalike, dritaret karakteristike te drurit po nderrohen me te tjera prej duralumini. Dhe gjithë këto zhvillime nuk duhet të ndodhin në një qytet që i përket trashëgimisë botërore. Tani Gjirokastra është në rrezik për të humbur karakterin e saj unik dhe origjinal. Nëse kjo do të vazhdojë edhe për 5 vite, qyteti do të humbasë statusin e trashëgimisë botërore”, thotë Stephan Doempke, drejtues i Organizatës për Ruajtjen dhe Zhvillimin e Gjirokastrës.
Sipas tij, vendimarrësit dhe banorët nuk janë të ndërgjegjshëm për atë që po bëjnë.
“Unë mendoj se është një mungesë ndërgjegjësimi mes vendimarrësve dhe vetë banorëve. Njerëzit mendojnë se është UNESCO, ai që duhet ta ruajë qytetin. Por nuk është kështu. Janë vetë banorët dhe shteti shqiptar që duhet të ruajnë vlerat unikale të Gjirokastres. Zhvillimet urbane duhet të mbikqyren dhe banorët duhet të dinë se cfarë u lejohet të bëjnë dhe cfarë jo”, tha Doempke.
Gjirokastra u pranua në UNESCO në vitin 2005. Që nga ajo kohë zoti Doempke thotë se ka parë numrin e turistëve të pesëfishohet, duke parlajmëruar se dëmet e daljes nga UNESCO do të jenë të pariparueshme për qytetin.
Top Channel
