Droga, arrestohet një shqiptar në Sajadhë
14/10/2010 21:10
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Një emigrant shqiptar është arrestuar nga policia e Sajadhës, në kufirin shqiptaro-grek.
Mondi Lula, 19 vjec, u kap në flagrancë duke transportuar me automjetin e tij me targa greke një sasi prej 80 kilogramë lënde narkotike të tipit kanabis sativa.
Droga ishte e paketuar në pako 1 kilogramëshe dhe e fshehur në pjesën e mbrapme të automjetit.
Policia tha se ishte në dijeni të trafikut të lëndës narkotike dhe e arrestoi 19 vjecarin pak kilometra pasi ai kishte ngarkuar sasinë e drogës.
Lënda narkotike kishte hyrë në tokën greke nga Konispoli, e ngarkuar në mushka dhe më vonë ishte fshehur në vendin e quajtur Stomio Sajadhas.
Sipas anti-drogës së Gumenicës, 19 vjecari Lula ishte anëtar i një organizate trafikantësh të lëndëve narkotike me qendër në Athinë.
Agjentët thanë se po kërkojnë edhe një bashkëpunëtor të 19 vjecarit, i cili dyshohet se është anëtar i të njëjtit grup.
Mondi Lula dhe materialet në ngarkim të tij u dërguan në gjykatën e Gumenicës, e cila vendosi masën “burg pa afat”.
Top Channel
