Ndryshimet ligjore në disa taksa kanë sjellë reagimin e parë nga subjektet private në fushën e prodhimit dhe tregtimit të duhanit.
Sipas Dhomës Amerikane të Tregtisë, disa subjekte të njohura që menaxhojnë prodhimin dhe shitjen e cigareve në tregun tonë u kanë dërguar një letër autoriteteve kompetente lidhur me shkallën tatimore, që parashikon rritje me 20 lekë për çdo paketë të shitur.
Sipas këtyre bizneseve, nevojitet një rritje më e maturuar e akcizës, domethënë 10 lekë këtë vit dhe 10 lekë të tjera për paketë vitin tjetër.
Në letër, këto subjekte paralajmërojnë rrezikun e rritjes së tregtisë së paligjshme të cigareve, pra shtimin e rasteve të kontrabandës.
Sipas doganave, për vitin 2010 janë kapur kontrabandë mbi 1100 koli cigaresh të markave të ndryshme, me efekte në buxhet rreth 40 milionë lekë.
Top Channel
