Bastet nxjerrin fituese Bosnjen
08/10/2010 12:40
“Ylli” i Realit: “Topin e Artë” do t’ia jepja Bellinghamit 27/05 22:56
Edhe pse jemi të parët në grup dhe për më shumë luajmë në shtëpinë tonë, Kombëtarja shqiptare nuk është favoritja e ndeshjes së mbrëmjes, atë përballë Bosnje Hercegovinës.
Sipas kompanive te basteve europiane, mundësitë më të mëdha për të fituar këtë ndeshje i ka përfaqësuesja e vendit fqinjë që drejtohet nga Sushic. Suksesi i boshnjakëve në “Qemal Stafa” është kuotuar me 2.3 kundrejt 2.9 ose 3 të koeficientit të fitores së Shqipërisë.
Duke qenë se fitorja është rezultati i duhur për shpresat e Bosnjes për kualifikim, edhe barazimi i kësaj sfide ka një koeficient të lartë. Në pjesën më të madhe të kompanive të basteve koeficienti i një rezultati të tillë është kuotuar mbi 3.
Në renditjen e muajit gusht të FIFA-s, Kombëtarja boshnjake ka zbritur 2 vende duke u renditur në vendin e 59-të, ndërsa Kombëtarja shqiptare është ngjitur 3 vende duke u renditur e 67-ta kjo dhe falë paraqitjes mjaft të mirë të përfaqësueses kuqezi gjatë këtyre ndeshjeve të fundit.
Top Channel
