Gianni Pitella, zëvendëspresident i Parlamentit Europian, e cilësoi votimin e raportit që rekomandon heqjen e vizave si një fitore të shqiptarëve.
Pitella u shpreh se liberalizimi nuk është meritë politike e njerës apo tjetrës palë, por kontribut i të gjithëve.
“Sot është një ditë e rëndësishme për Shqipërinë sepse PE votoi me shumicë të theksuar një rezolutë për liberalizimin e vizave. Duke folur shpesh me qytetarët, unë e di se sa për zemër e kanë shqiptarët këtë. Ky është një sukses i të gjithëve”, deklaroi Pitella.
Ai vlerësoi edhe punën e bërë nga ana e opozitës shqiptare dhe kërkoi nga mazhoranca që të zgjidhë cështjen e transparencës së zgjedhjeve.
“I jap vlerësimet e mia kryetarit të opozitës, Edi Rama për punën që ka bërë në këtë drejtim. Mazhoranca të zgjidhë cështjen e transparencës përmes komisionit hetimor. Nuk duhet të varen dekorata për të thënë se ky është fruti im”, shtoi Pitella.
Top Channel