Prishtinë, Bashkësia Islame: Jo protestave
07/10/2010 15:45
Sërish zjarr në ndërtesën e Institutit të Mjekësisë Ligjore në Kosovë 30/06 14:26
Kreu i Bashkësisë Islame të Kosovës, myftiu Naim Tërnava u ka bërë thirrje të gjithë besimtarëve myslimanë që të mos bien pre e thirrjeve të disa organizatave joqeveritare me karakter fetar, të cilat kanë paralajmëruar protesta në Prishtinë për ditën e premte.
Myftiu Tërnava tha se Bashkësia Islame e Kosovës nuk qëndron prapa këtyre protestave, të cilat kanë si qëllim kundërshtimin e ligjit për shaminë islamike.
“Ftoj qytetarët që të mos bien pre e disa shoqatave joqeveritare të cilat kanë marrë një rol që nuk u takon”, tha Tërnava, pas një takimi që zhvilloi me ushtruesin e detyrës së presidentit, Jakup Krasniqi.
Protesta është organizuar për të mbrojtur mbajtjen e shamisë në institucionet shkollore dhe për të kundërshtuar urdhërin administrativ të Ministrisë së Arsimit.
Top Channel
