Kroaci, 14 në pranga për skema piramidale
02/10/2010 14:00
Autoritetet policore kroate kanë arrestuar në Zagreb 14 persona, nën akuzën e drejtimit të disa strukturave piramidale.
Lajmin e bëjnë të ditur agjencitë kroate, sipas të cilave nga hetimet ka rezultuar se shumë qytetarë kishin humbur paratë e tyre në këto skema.
Sipas burimeve, paratë e fituara në mënyrë ilegale, 14 personat i investonin në valutë të huaj në tregjet jashtë Kroacisë.
Ndërkohë, gjykata e Zagrebit ka vendosur mbajtjen e tyre në burgim për 30 ditë, në mënyrë që policia të ketë kohë për intensifikimin e hetimeve.
Top Channel