Nick Heidfeld do të zëvendësojë Pedro de la Rosa në skuadrën Sauber, që prej Çmimit të Madh në F1 të Singaporit, më 26 shtator.
Lajmin e ka bërë të ditur gazeta zvicerane “Blick”.
Heidfeld, 33 vjeç, ka lënë një muaj më parë vendin e tij si pilot rezervë në skuadrën e Mercedes GP, për të kaluar në testimin e gomave të “Pirelli”-t, furnizuesi i vetëm i gomave që nga viti i ardhshëm në kampionatin botëror të F1.
“Pedro de la Rosa të dielën në Monza ka mbyllur karrierën e tij në Formula 1 pas 85 Çmimeve të Mëdha”, shkruan “Blick”.
“Edhe pse nuk ka arritur të fitojë asnjë garë, Heidfeld njihet për çuarjen e makinave në finish duke marrë edhe pikë”, shton gazeta.
Top Channel
