Sinani “shpëton” Vllaninë

Edhe pse e kanë mbyllur pjesën e parë me avantazhin 1-0 falë golit të Rajovic, shkodranët nuk e kane ruajtur këtë avantazh në fillimin e të dytës pasi ballshiotët e përmbysen rezultatin me Dimon dhe Popovic.

Pas këtij momenti trajneri Radonjic vendosi të aktivizojë lojtarët me përvojë në skuadrën shkodrane dhe kjo i dha frytet e veta. Vioresin Sinani barazoi rezultatin në 10 minutat e fundit të ndeshjes, ndërkohë që në minutën e fundit të kohës shtesë, këmbëngulja e tij solli dhe golin e fitores. Sinani dha një asist tek serbi Jovanovic të cilit nuk i mbeti gjë tjetër vetëm të shtyjë topin drejt rrjetës.

Elbasani nuk ka mundur ta nisë me fitore debutimin në Superligë pasi ka barazuar 1-1 me Tiranën që pas barazimit nuk arriti të shfrytëzonte epërsinë numerike, pas daljes me të kuq të Capjes. Ristevski kaloi elbasanasit në avantazh në pjesën e parë, rezultat ky që mbeti i pandryshuar deri në minutën e 64, kur gjyqtari i ndeshjes akordoi një 11 metërsh në favor të Tiranës. Bardheblutë barazojnë me Lilën, ndërsa Elbasani i luan minutat e mbetura me 10 lojtarë.

Shkumbini i drejtuar nga Mirel Josa ka barazuar 2-2 në “Qemal Stafa” me kastriotin ndërkohë që ndeshja e fundit e javës së parë do të luhet ditën e hënë në stadiumin e Kavajës, mes Besës dhe Skënderbeut.

Top Channel