Liga 1, Marseja e nis keq, mundet nga Kaen
08/08/2010 13:55
Gjysmëfinalet e Europa League/ Leverkusen “gjunjëzon” romakët në “Olimpico”, Atalanta barazon në Francë 02/05 22:55
Startoi ditën e shtunë kampionati francez i futbollit ku kampionët në fuqi të Marsejës zhgënjyen në ndeshjen debutuese duke u mundur në fushën e tyre nga modestët e Kaenit me rezultatin 1-2.
Skuadra e Deshampit e nisi sezonin si mos më keq. Golat u shënuan që të tre në pjesën e dytë të takimit. Miqtë kaluan të parët në avantazh në minutën e 52 me anë të Seubes, për të ardhur më pas tek barazimi i përkohshëm i marsejezëve në minutën e 77 me Samashan. Goli i surprizës shënohet nga Kaen në minutën e 86 të takimit kur El Arabi i jep 3 pikëshin e parë skuadrës së ardhur në Liga 1 si kampione e Ligës 2.
Edhe Lioni nuk shkoi dot më shumë se një barazim pa gola në ndeshjen ndaj Monakos, ndërsa PSG fitoi 3-1 ndaj Saint Etiene.
Fitore në transfertë arriti edhe Nensi kundër Lensit me rezultatin 1-2.
Top Channel
