Loja e fortë në botëror
03/08/2010 21:05
Një shqiptar te Gjermania, 19-vjeçari në stërvitje me ekipin e Nagelsmann 23/05 20:41
Loja e ashpër e zhvilluar në finalen e botërorit të Afrikës së Jugut nuk ka kaluar pa u ndëshkuar nga drejtuesit e lartë të FIFA.
Dy ekipet finaliste Spanja dhe Holanda, janë ndëshkuar me gjobë nga Komisioni i Disiplinës së institucionit më të lartë të futbollit botëror dhe kjo për shkak të numrit të lartë të kartonave të dhëna nga arbitri Hauard Ueb.
Federata Holandeze e Futbollit, që mori edhe numrin më të madh të kartonave do të detyrohet të paguajë shifrën prej 14 500 dollarësh.
Për Holandën ata që u ndëshkuan me kartona në këtë finale ishin Van Persi, Van Bomel, De Jong, Van Bronkhorst, Roben, Van Der Vil, Matejsen dhe Heitinga.
Ky i fundit mori dy kartona të verdhë që u pasuan nga një i kuq.
Ndërsa Federata Spanjolle e Futbollit është gjobitur me 9650 dollarë gjobë për kartonat e verdhë të marrë nga Pujol, Ramos, Kapdevila, Iniesta dhe Çavi Hernandez.
Sipas rregullores, një skuadër përfaqësuese ndëshkohet me gjobë nëse 5 ose më shumë futbollistë te saj marrin kartona të verdhë nga arbitri i një ndeshjeje.
Finalja mes Spanjës dhe Holandës, cilësohet si ndeshja me lojën më të rëndë pas asaj të botërorit të 1986 në Meksikë mes Argjentinës dhe Gjermanisë.
Top Channel
