Besa e pashpresë ndaj Olimpiakosit

Ashtu sikurse ndeshja e Tiranës, edhe kjo e kavajasve pritet të jetë thjesht një formalitet, pasi grekët thuajse e kanë siguruar 100% kualifikimin që në ndeshjen e parë në “Qemal Stafa”, ku fituan me rezultatin e thellë 5-0.

Por vetëm duhet pasur kujdes, sepse Olimpiakosi luan në shtëpinë e tij dhe mund të bëjë të pangopurin duke kërkuar një tjetër goleadë për të kënaqur tifozët. Ndërsa Besa është e pashpresë për të bërë ndonjë mrekulli dhe do kërkojë vetëm të bëjë një lojë dinjitoze në këtë sfidë. Trajneri Shpëtim Duro nënvizoi para nisjes për në Greqi: “E njoh Olimpiakosin, ndaj asnjëherë nuk besova se ne mund të fitonim, ashtu sikurse nuk besoj se mund të fitojmë në ndeshjen e sotme. Ne do të shkojmë të luajmë dhe asgjë më shumë”.

Top Channel