Havana, dy avionë me disidentë ulen në Spanjë
13/07/2010 15:00
Dy avionë me disidentët e liruar në Kubë kanë zbritur në aeroportin e Madridit në Spanjë.
Lajmin e bëjnë të ditur mediat ndërkombëtare, sipas të cilave 7 ish-të burgosurit politikë dhe familjet e tyre udhëtuan në dy avionë të linjës së zakonshme.
Lirimi i tyre, pas një periudhe burgimi prej 7 vjetësh, u bë i mundur me ndërmjetësimin e Kishës Katolike në Kubë dhe qeverisë së Spanjës.
Havana zyrtare u ndodh nën një presion të madh ndërkombëtar pasi një disident vdiq për shkak të grevës së urisë.
Largimi i disidentëve përkoi me një nga shfaqjet e rralla në televizion të ish-liderit kubanez Fidel Castro.
Top Channel