Ronaldinho është vetëm një hap larg nga skuadra braziliane e Flamengos.
Kampionët e vendit pasi kanë lënë të lirë sulmuesin Adriano, synojnë një tjetër emër të madh dhe më i përshtatshmi për këtë rol është pikërisht sulmuesi i Milanit.
Sipas gazetës “Globoesporte”, agjenti i lojtarit ka gjetur marrëveshjen me klubin karioka për 4 milionë euro në sezon, ndërsa pengesa e vetme është konfirmimi i Milanit. Kuqezinjtë nuk kanë ndërmend ta lënë të lirë të largohet Dinho-n pa arkëtuar asnjë qindarkë.
Në rast se Milan arrin të marrë disa milionë nga shitja e tij, atëherë rruga për blerjen e Ibrahimovic do të ishte e hapur.
Top Channel
