Yjet që kanë eklipsuar “veteranët”

Kaka dhe Torres na kanë zhgënjyer gjithashtu, por kemi pasur pak kohë për të menduar pse ata janë në hije, pasi yje të rinj i kanë eklipsuar.

I pari në listë qëndron Mesut Oezil, 21 vjecari gjerman me origjinë turke, i cili po i mahnit të gjithë me klasin dhe finesën e tij. Nuk do kishte luajtur si titullar nëse Ballack nuk do ishte demtuar dhe në njëfarë menyre bota e futbollit duhet të falënderojë Boateng që dëmtoi liderin e Gjermanisë. Para botërorit Werder Bremen e shiste 20 milionë, ndërsa tani nuk ka ndërmend ta largojë pa 30 milionë.

Shoku i tij i skuadrës Thomas Mueller, një vit më i ri, ka treguar se është në nivel për të veshur një fanelë që peshon sa tre kupa bote. Ai po tregohet një lider i vërtetë në fushë dhe me dy golat ndaj Anglisë u tregua vendimtar dhe udhëheq sulmin e skuadrës së Loew. Para botërorit mund të blihej me 10 milionë, por tani vlen dyfish.

22 vjecari i Ajaksit Luis Suarez coi Uruguajin në cerekfinale me një supergol dhe vlera e tij aktuale është 20 milionë euro.

Alexis Sanchez ka treguar se nuk është një lojtar që mund të luajë vetëm tek Udinese. Eshtë 21 vjec por kjo nuk e ka penguar të tregojë shpejtësi dhe teknikë marramendëse. Kartoni i tij vlen 20-25 milionë.

Mesfushori brazilian Ramires është një tjetër zbulim. Milani ishte pranë 23 vjecarit, vlera e të cilit është 12 milionë.  

Fabio Coentrao luan me Benfikën dhe është vetëm 22 vjec por ka treguar se në krahun e majtë mund të bëjë gjëra të mëdha. Portugezët e shesin për 15 milionë.

Eren Derdiyok, qëndërsulmuesi i Zvicrës zotëron një teknikë të lartë dhe këtë e tregoi në ndeshjen kundër Spanjës. Tani luan tek Bayer Leverkusen, është 22 vjec dhe vlen 12 milionë.

Notë pozitive edhe për të riun e Meksikës, Javier Hernandez, i cili shënoi golin e parë kundër Francës dhe u dha një leksion të vërtetë futbolli argjentinasve në ndeshjen e 1/8-ave edhe pse skuadra e tij humbi 3-1. Ai u ble nga Manchester United për 7 milionë.

Pablo Barrera është një tjetër meksikan i talentuar. 23 vjecari luan në mesfushën e Pumas dhe vlerësohet 4 milionë.

Japonezi Keisuke Honda do ishte një pazar me leverdi për skuadrat në kërkim të një sulmuesi. 24 vjecari luan për CSKA-në e Moskës dhe për 6-8 milionë euro mund të largohet.

Emri i fundit në listën e 10 të rinjve më premtues është kiliani Gary Medel. 1.72 i gjatë, aktivizohet në mesfushën e Boca Juniors dhe kushton 3 milionë euro.

Top Channel