Maradona: I kërkoj falje Platini-së
18/06/2010 10:00
Diego Armando Maradona është i lumtur për rezultatin e arritur kundër Koresë së Jugut, ku ekipi argjentinas fitoi 4-1.
“Krenohem me lojtarët e mi dhe punën që bënë ata. Po bëjmë një lojë të pastër dhe që prej minutës së parë deri në të fundit, ekipi është i motivuar”, u shpreh Maradona.
Duke folur për gazetarët Maradona i ka kërkuar ndjesë edhe Michel Platini për kundërsulmin që i bëri një ditë më parë.
“I kërkoj ndjesë Platini-së, por jo Pele-së. Platini më ka dërguar një letër se nuk kishte thënë asgjë nga ato që më erdhën mua në vesh. I kërkoj falje zotit Platini, por jo Pele-së. Ky i fundit më ka kritikuar për rolin tim si trajner”, tha Maradona.
Top Channel