Rossi, frakturë e dyfishtë
05/06/2010 14:30
Nga Superiorja në Conference League, katër arbitra shqiptarë do të vendosin drejtësi në duelin europian 26/11 16:12
Valentino Rossi është rrëzuar gjatë sesionit të dytë të provave të lira për Çmimin e Madh të Italisë, duke pësuar frakturë në këmbën e majtë.
Piloti italian i “Yamaha”-s nuk ka mundur të vendosë në tokë këmbën e cila ka pësuar thyerje të kërcirit. 31 vjeçari është dërguar menjëherë me helikopterë në spitalin e Firences ku dhe do të operohet.
Stafi mjekësor i këtij spitali ka pohuar se gjendja e Rossit është përmirësuar.
Kirurgu Claudio Costa duke folur për mediat italiane ka theksuar se fraktura ishte shumë më e rëndë nga cfarë pritej.
Përsa i përket kohës së rikuperimit, mjeku Costa, deklaroi se duhet të paktën 2-3 muaj për rehabilitimin 100% të pilotit.
Disa kohë më parë edhe piloti tjetër Toni Elias pësoi një frakturë të tillë, por koha e riikthimit të tij në pistë nuk shkoi më shumë se 40 ditë.
Valentino Rossi është cilësuar si piloti më i mirë i të gjitha kohërave në garat me motora.
31 vjeçari italian është piloti i vetëm që ka fituar titullin kampion bote në 4 kategori të ndryshme.
Nga 9 kampionatet e fituar, 6 janë në garat e Moto GP.
Top Channel
