Bogdani: Lamtumire Kombetares, nese nuk jam ne nivele te larta

Sulmuesi, i cili eshte nen urdhrat e trajnerit Josip Kuzhe, vetem mesditen e djeshme, konfirmoi se ky do te jete edicioni i fundit ne arenen nderkombetare. 33-vjeçari, se bashku me Lalen, Skelen, Beqajn apo Duron cilesohen si elemente te rendesishem nga tekniku kroat ne eliminatoret e Euro 2012. Pervoja e tyre do t’i sherbeje shume perfaqesueses ne sfidat e Grupit D, ku objektivi madhor eshte renditja ne vendin e katert, ndersa endrra mbetet vendi i trete.

“Eshte e vertete qe ky do te jete edicioni im i fundit ne Kombetare. Ne bisedat qe kam zhvilluar me trajnerin, ai me ka konfirmuar se me cileson nje element te rendesishem dhe se nese ndihem mire fizikisht, mund t’i jap shume skuadres”, deklaroi Bogdani. “Une do te jap kontributin per Shqiperine, per aq kohe sa do te kem mundesi. Nuk e perjashtoj qe te largohem nga Kombetarja, nese nuk do te aktivizohem ne nivele te larta. Kombetarja ka filluar nje proces rinovimi te kontingjentit dhe natyrisht qe duhet t’u leme hapesira futbollisteve te rinj”.

Me mbylljen e sezonit ne Serine A duket e pashmangshme qe me Bogdanin te mos flasesh per merkaton. Kjo edhe per faktin se 33-vjeçari nuk do te aktivizohet me me Kievon. Klubi veronez i ofroi vetem nje vit qendrim, por per vete moshen qe ka, sulmuesi kerkon nje akord afatgjate, duke qene se kjo mund te jete kontrata e tij e fundit ne karriere: “Kievo me ofroi kontrate njevjeçare, megjithate e refuzova. Duhet ta pranojme se ne moshen qe kam, preferoj nje kontrate afatgjate. Vendimi im erdhi edhe per faktin se ka disa skuadra te tjera, te cilat jane shfaqur te interesuara per sherbimet e mia”. Ai tregoi edhe disa nga prapaskenat e aktivizimit te paket ne pjesen e dyte te sezonit: “Marredheniet me trajnerin Di Karlo jane shume te mira. Biseduam pas ndeshjes se fundit me Romen, ku me aktivizoi dhe me falenderoi. Me tha: ‘E ke merituar te luash, pavaresisht menyres sesi rrodhen ngjarjet. Je sjelle si nje profesionist i vertete, megjithate duhet te shoh interesat e klubit’. Per te qene i sinqerte, zemerimi im lidhet me drejtuesit, pasi nuk e prisja qe ne ndeshjet e fundit te me linin ne tribune”.

Rreth ofertave, “Er-Bomber” pohoi se ne harkun e dhjete diteve do te vendose te ardhmen, ndersa momentalisht eshte ne pritje te Leçes, skuader qe sapo u ngjit ne eliten e futbollit italian, si fituese e Serise B. “Po pres Leçen, por edhe Bolonja eshte nje alternative. Por, oferta kam edhe nga skuadra te tjera dhe mendoj se pas dhjete diteve, ose ndoshta edhe me shpejt, do te konfirmoj skuadren me te cilen do te luaj ne te ardhmen”, perfundoi Bogdani.

Top Channel