Bayern Munchen nuk do zgjedhe rrugën tokësore për të shkuar në Madrid edhe nëse aeroportet europiane do mbyllen për shkak të hirit vullkanik.
Nëse Interi do niset një ditë më shpejt (të mërkurën), shoqëria bavareze ka menduar të përdorë një “armatë” të vërtetë helikopterësh për të shkuar në Spanjë.
Sipas gazetës “Sport”, Bayern Munchen mund ulet në kryeqytetin spanjoll me helikopterë, skenë që të kujton filmin “Apocalypse Now”. Këtë ide e ka hedhur drejtori sportiv bavarez, Christian Nerlinger, madje këtë ai e ka bërë që në gjysmëfinalen kundër Lionit.
Gjithësesi, ka pak mundësi që gjermanët të hipin në helikopterë, pasi të dhënat më të fundit nga vullkani islandez japin parashikime optimiste. Inter do niset sot në mbremje për në Spanjë dhe do stërvitet për dy ditë në lokalitetin “Ciudad Deportiva”.
Top Channel
