Merr jetë plani për të realizuar një dyshe të gjithën italiane në Moto GP ku shihet në horizont një kombinim mes motorrit Ducati dhe pilotit 9 herë kampoion bote, Valentino Rossi.
Prania e Stoner në skuderinë e kuqe ka penguar deri tani nisjen e bisedimeve edhe pse të gjithë italianët e ëndërronin këtë bashkim. Australiani Casey Stoner ka firmosur një kontratë me skuderinë Honda dhe martesa e tij me Ducati-n përfundon ne fund të këtij sezoni.
Skuderia e Borgo Panigale nuk ka vonuar me propozimin konkret ndaj Rossi-t edhe pse ai ka një kontratë që e lidh edhe për dy vitet e ardhshme me Yamaha-n. Një përgjigje Rossi duhet ta japë në fillim të qershorit gjatë garës në Mugello. I vetmi që rrezikon më shumë nga ky “tërmet” eshte spanjolli Dani Pedrosa, i cili mund të mbetet pa një motor kompetitiv.
Top Channel
