Starova rikthehet në krye të Tiranës
29/03/2010 23:00
Tërheqja nga futbolli, Zlatan tregon për jetën e tij familjare: Bashkëshortja ime lan dhe gatuan! Kam qarë shumë për Raiolan… 02/05 18:28
Sulejman Starova do të jetë trajneri i Tiranës për pjesën e mbetur të sezonit.
Humbja e tretë radhazi në kampionat duket se ka detyruar drejtuesit e klubit bardheblu të marrin këtë vendim.
Në 5 javët e fundit Tirana është drejtuar nga kapiteni Devi Muka, që ishte njëkohësisht edhe trajner edhe lojtar në fushë.
Sulejman Starova do të jetë trajneri i pestë i Tiranës për këtë edicion pas kroatit Lonçareviç, Tafajt, Dedes dhe Mukës.
Ky është një ndër sezonet më të këqija për 24 herë kampionët e Shqipërisë, pasi ndodhet shumë larg titullit kampion dhe është eleminuar nga Kupa.
Kjo është hera e tretë që Starova rikthehet në drejtimin e skuadrës së Tiranës, me të cilën fitoi titullin kampion në sezonin 2004-2005, si dhe në 3 javët e para në sezonin 2006-2007.
Top Channel
