Apeli fal Begajn e Patushin
27/03/2010 12:45
“Euro 2024”/ Ish-kampioni i botës i ftuar në Tiranë: Shqipëria ka lojtarë me përvojë, Italia të bëjë kujdes 18/04 19:23
Komisioni i Apelit ka vendosur të falë lojtarin e Flamurtarit, Halim Begaj, dhe mesfushorin e Kamzës, Saimir Patushi. Mbrojtësi i skuadrës vlonjate ishte dënuar nga Disiplina me pesë ndeshje pezullim dhe 100 mijë lekë të reja gjobë, për goditjen e kundërshtarit (Gentian Gjondeda) në ndeshjen me Kastriotin.
Por, me vendimin e djeshëm të Apelit, dënimi i Begajt është reduktuar ndjeshëm si në aspektin e ndeshjeve që duhet të qëndrojë jashtë fushe, ashtu edhe në anën financiare.
Pezullimi për lojtarin kuqezi u ul në dy ndeshje, ndërsa gjoba në shifrën 20 mijë lekë. Falje “rekord” ka qenë ajo për Patushin, i cili ishte konfrontuar fizikisht me trajnerin e Pogradecit, Çekiçi: lojtari e ka goditur teknikun me kokë në datën 14 shkurt dhe ishte pezulluar për një vit nga aktiviteti. Dënimi i tij u reduktua në vetëm pesë ndeshje.
Top Channel
