Rrezikon Dinamo-Gramozi

06/03/2010 12:30

Terrenet e renduara ne stadiumet e ndryshme ne vend, mund te vazhdojne te jene nje faktor me peshe ne Kategorine Superiore.

Pas problemeve ne fushat e Korçes dhe Ersekes, te cilat shtyne me nje jave startin e fazes se trete te kampionatit, tashme problemi perbehet nga impianti me i madh ne vend.

Fusha e stadiumit kombetar, “Qemal Stafa” eshte ne gjendje katastrofike. Kjo u pa qarte ne miqesoren e 3 marsit qe perfaqesuesja shqiptare fitoi 1-0 me Irlanden e Veriut.

Pas testimit te pare te kuqezinjve per vitin 2010, terreni eshte renduar edhe me shume, duke e bere te pamundur zhvillimin e nje ndeshjeje normale futbolli. Per kete arsye, ndeshja e javes se 23-te, ndermjet kryesuesve te Dinamos dhe Gramozit, qe mbyll klasifikimin ne Superiore rrezikon seriozisht te mos zhvillohet. Gjate dites se djeshme, drejtuesit e bluve jane takuar me drejtorin e stadiumit, Gazmend Sallaku.

Klubi kryeqytetas ka kerkuar me ngulm zhvillimin e ndeshjes, pavaresisht fushes jo te mire, por ata kane hasur ne rezistencen e drejtuesit te impiantit. Kjo edhe per faktin se Dinamo duhet te luaje aty perseri ne mesjave, kunder Shkumbinit, ndeshja e kthimit ne çerekfinalet e Kupes se Shqiperise.

Me gjithe bisedat per gjetjen e nje zgjidhjeje, me 99 per qind Dinamo-Gramozi do te shtyhet, ndersa vendimin perfundimtar pritet ta jape Federata Shqiptare e Futbollit. Fillimisht institucioni qe drejton sportin me popullor ne vend tentoi te distancohej, edhe sepse dinamovitet kane kontrate me “Qemal Stafen” per ndeshjet e kampionatit dhe te Kupes.

Por, sot pritet te merret nje vendim perfundimtar, ku ndoshta mund te percaktohet edhe nje tjeter date per kete sfide, ne pritje te rregullimit te kushteve ne stadium. Drejtuesit blu nuk duan ne asnje menyre qe te shqyrtojne si opsion qe te luajne ne “Selman Stermasi”. Pavaresisht pretendimeve te tyre, zhvillimi i ndeshjes ne stadiumin e dyte te kryeqytetit gjate kesaj fundjave eshte i pamundur: sot aty do te luaje Tirana perballe Kastriotit, ndersa te henen luhet takimi i Kategorise se Pare ndermjet Partizanit dhe Luftetarit.

Bardheblute e drejtuar nga Devi Muka, do te kerkojne te hakmerren ndaj Beses per eliminimin nga Kupa, duke synuar t’u marrin kavajasve vendin e dyte ne kampionatin elitar. Diferenca prej pese pikesh qe kane dy skuadrat, ben qe ne 11 javet e fundit te Superiores, gjithçka te jete e hapur. Sot zhvillohet edhe ndeshja Shkumbini-Vllaznia. Objektivi i peqinasve eshte qe t’i largohen luftes per mbijetese, ndersa ne krahun tjeter, rezultati pozitiv duket i detyrueshem per shkodranet: ne te kundert, Vllaznia do t’u jepte mundesi rivaleve ne fund te tabeles qe te afroheshin.

Top Channel