Arsenal, Wenger enderron Felipe Melo-n

03/03/2010 12:50

Arsenal perfiton nga momenti jo i mire qe Felipe Melo po kalon me Juventusin per ta marre ne “Emirates”.

Skuadra e Arsene Wenger ka hedhur “kthetrat” ndaj mesfushorit brazilian, duke shpresuar ne rilindjen e tij ne Londer. Kjo nuk do te ishte hera e pare qe Arsenali do te risillte ne formen me te mire nje lojtar te blere nga Juventusi, pasi mjafton te kujtojme ketu blerjen e Henry, i cili shpertheu me fanelen e “topcinjve”.

Demtimi i rende i te riut Aaron Ramsey ka bere qe Wenger te shpresoje ne blerjen e lojtarit te kombetares se Brazilit. Problemi i vetem eshte cmimi i kripur i kartonit te tij, pasi Juventus nuk ka ndermend te humbase asnje qindarke nga 25 milione eurot e shpenzuara ne vere per ta marre nga Fiorentina.

“Ne ishim interesuar per Melon qe gjate muajve te veres dhe e vezhguam me kujdes ne miqesoren Brazil-Itali ku luajti nje ndeshje te shkelqyer. Tek Juventus nuk po dhuron ato paraqitje qe te gjithe prisnin por ai eshte nje lojtar i talentuar. Bashke me Gilberto Silva-n ai perben boshtin e mesfushes se Brazilit. Ne po e mbajme ende nen vezhgim”, thekson tekniku francez.

Top Channel